Un inno alla vita.
Carme 5:
Campammo, piccere’, facimmo ’ammore!
Si ’e viecchie murmulejano, che ce mporta?
’O sole va, ma torna int’a ppoche ore;
nuje, dopp’ ’a ggiuventù, ce aspetta ’a morte!
Pe’ mmo voglio da te ciento vasille,
po’ n’ati cciento, e ancora n’ati cciento,
e quanno me n’hê date cchiù de mille
n’ati mmille ne voglio, e n’ati cciento.
Po’ ’e sti vase facimmo una mappata
e ll’ammiscammo, comm’a na nzalata:
pecché ’a ggente che vvede – saje comm’è? –
po’ purtà mmiria ê vase che daje a mme.
Carme 7:
Quanta vase ce vonno vuo’ sapé,
Lesbia, d’ ’e tuoje pe’ fa cuntento a me.
Quanta ranille stanno din’ ’a rena
d’ ’a Libia, addò ce sta pure Cirene
c’ ’o ssilfio e ’o tempio ’e Giove int’ ’a calura
e di Batto l’antica sepoltura;
quante so’ ’e stelle ’a notte, zitte e mute
ca spiano ’e nnammurate annascunnute,
tant’assaje songo ’e vase ch’hê ’a dà a me
pe’ sazià a stu Catullo pazzo ’e te,
tante can nun s’hann’ ’a puté cuntà,
né ’e mmale lengue ll’uocchie ce hann’ ’a ittà.
Foto di copertina generata con Copilot per Cinque Colonne Magazine
